International Udhayam

നിങ്ങള്‍ ഉത്കൃഷ്ട സമൂഹമാണ്, നന്മ കല്‍പ്പിക്കുകയും തിന്മ വിരോധിക്കുകയും ചെയ്യുന്ന സമൂഹം."...

Monday, March 20, 2017

ജില്ലാ ജമാ‌അത്തിന്‌ പുതിയ നേതൃത്വം

പാവറട്ടി:ഇന്ത്യന്‍ ജമാഅത്തെ ഇസ്ലാമി കേരള ഘടകം തൃശൂര്‍ ജില്ലാ ഏരിയാ ഭാരവാഹികള്‍ തെരഞ്ഞെടുക്കപ്പെട്ടു.തൃശൂര്‍ ജില്ലാ പ്രസിഡണ്ട് സ്ഥാനത്തേക്ക്‌ എന്‍.എ മുഹമ്മദ്‌ സാഹിബ്‌ തെരഞ്ഞെടുക്കപ്പെട്ടതായി തൃശൂര്‍ ജില്ലാ ജമാ‌അത്ത്‌ ഔദ്യോഗിക പത്ര കുറിപ്പില്‍ വെളിപ്പെടുത്തി.

പുതുതായി തെരഞ്ഞെടുക്കപ്പെട്ട നേതൃ നിരയെ ഉദയം പഠനവേദി അനുമോദിച്ചു.ഗുരുവായുര്‍ ഏരിയ പ്രസിഡണ്ടായി തെരഞ്ഞെടുക്കപ്പെട്ടിട്ടുള്ള ഉദയം പഠനവേദിയുടെ ആദ്യത്തെ ചെയര്‍മാന്‍ കെ.എ അബ്‌ദുല്‍ വാഹിദ്‌ സാഹിബിന്‌ പ്രത്യേക അഭിനന്ദനങ്ങള്‍ അറിയിച്ചു.

വടക്കാഞ്ചേരി,മാള,നാട്ടിക,കുന്നംകുളം,ചാവക്കാട്‌,കൊടുങ്ങല്ലൂര്‍,മതിലകം,വടക്കേകാട്‌,ഗുരുവായൂര്‍,
ഇരിഞ്ഞാലക്കുട,എറിയാട്‌ എന്നീ ഏരിയകളിലേയ്‌ക്ക്‌ യഥാക്രമം മുസ്‌ഥഫ പി.എ,നാസര്‍ കെ.എം,അബ്‌ദുല്‍ റഹ്‌മാന്‍ പി.കെ,ഷാജു കെ.എം,ഷം‌സുദ്ധീന്‍ കെ,മുഹമ്മദ്‌ റഷീദ്‌ ഇ.എ,ഹമീദ്‌ സി.എ,മുഹമ്മദ്‌ നിയാസ്‌ ഒ.എം,വാഹിദ്‌ കെ.എ,മുജീബ്‌ എ.ഐ,സാലിഹ്‌ മാസ്‌റ്റര്‍ തുടങ്ങിയ ആദരണീയര്‍ തെരഞ്ഞെടുക്കപ്പെട്ടു.

ആദം എം.എ,അമീന്‍ ഇ.എം,അനസ്‌ നദ്‌വി,അബ്‌ദുല്‍ സലാം മാസ്റ്റര്‍ ടി.കെ,ഹനീഫ സി.കെ,അബ്‌ദുല്‍ വാഹിദ് പി.എ,ഫൈസല്‍ കാതിക്കോട്‌,സദറുദ്ധീന്‍ കെ.എ,ഉമര്‍ അബൂബക്കര്‍,അബൂബക്കര്‍ തളി,ജലീല്‍ എ.എസ്‌,സുലൈമാന്‍ കെ.എ,സെയ്യിദ്‌ മാസ്‌റ്റര്‍ കെ.എം,സുലൈമാന്‍ ആര്‍.എം,ബീരാവു സി.കെ തുടങ്ങിയവര്‍ ജില്ലാ സമിതി അം‌ഗങ്ങളായിരിക്കും.

ജില്ലയിലെ വനിതാ ഏരിയാ കണ്‍‌വീനര്‍‌മാരായി എറിയാട് - സബിത ടീച്ചർ,കെടുങ്ങല്ലൂർ - ഹുദ ടീച്ചർ,മാള - ഹഫ്സ സലാം,ഇരിങ്ങാലക്കുട-ബിൻഷാബി,തൃശൂർ - ഉമൈറ,വടക്കാഞ്ചേരി - ഖൈറുന്നിസ,കുന്ദംകുളം- ഉമ്മുകുൽസു,വടക്കേക്കാട് - ജമീല,ഗുരുവായൂർ- ഷമീല,ചാവക്കാട് - മുംതാസ്,നാടിക -നസീമ വാളൂർ,മതിലകം -സാജിറ എന്നിവരും തെരഞ്ഞെടുക്കപ്പെട്ടു.

ഖദീജ ടീച്ചർ,അസൂറ ടീച്ചർ,സൗദ ടീച്ചർ,ഷരീഫ ടീച്ചർ,സൗദാബി,ഉമൈറ,സൈനബ്,സാറ ഷംസുദ്ധീൻ,റുഖിയ റഹീം,റഷീദ കൊച്ചന്നുർ,ഷരീഫ യൂസുഫ്,മൈമൂന എം ടി എന്നിവരാണ്‌ വനിതാ ജില്ലാ സമിതി അംഗങ്ങൾ. 


Share:

Saturday, March 18, 2017

മാതൃകാപരമായ ദാനം

പാടുര്‍:മസ്‌ജിദ്‌ റഹ്‌മ സന്നദ്ധ സേവന സം‌രം‌ഭങ്ങള്‍ക്ക് ആദരണീയനായ അബ്‌ദുല്‍ റഹ്‌മാന്‍ മാസ്‌റ്ററുടെ ഉപഹാരം.മണ്‍‌മറഞ്ഞ സഹധര്‍‌മ്മിണി്‌ ഖദീജയുടെ ഓര്‍മ്മയ്‌ക്കായാണ്‌ ഒരു ഇരുനില ഭവനം ഈ മാതൃകാ അധ്യാപകന്‍  സമര്‍‌പ്പിച്ചത്‌.പാടൂര്‍ കേന്ദ്രികരിച്ചുള്ള ഇസ്‌ലാമിക സംസ്‌കരണ സന്നദ്ധ സം‌രം‌ഭങ്ങള്‍‌ക്ക് ആശ്വാസം നല്‍‌കുന്ന ഈ ഉപഹാരം ഔദ്യോഗികമായി കൈമാറിയിരിക്കുന്നു.മഹനീയമായ ഈ കര്‍‌മ്മത്തെ നിലച്ചു പോകാത്ത ദാനമായി സര്‍വ്വ ലോക രക്ഷിതാവ് സ്വികരിക്കുമാറാകട്ടെ എന്ന്‌ സമര്‍പ്പണച്ചടങ്ങില്‍ സം‌ബന്ധിച്ച അതിഥികള്‍ ആശം‌സിച്ചു.
പരേതയായ ഖദിജയുടെ സഹോദരനും ഉദയം പഠനവേദി ചെയര്‍മാനുമായ ഡോക്‌ടര്‍ സെയ്‌തു മുഹമ്മദ്,ട്രസ്റ്റ്‌ ഭാരവാഹികളായ അബ്‌ദുല്‍ വാഹിദ്‌,അബ്‌ദുല്‍ നാസര്‍ പ്രാദേശിക ഹല്‍‌ഖാ പ്രതിനിധികളും അഭ്യുദയ കാംക്ഷികളും സമര്‍‌പ്പണ ചടങ്ങില്‍ സം‌ബന്ധിച്ചു.
Share:

Friday, March 10, 2017

ഏര്‍‌ച്ചം വീട്ടില്‍ ഐഷ നിര്യാതയായി

മുല്ലശ്ശേരി:പരേതനായ ആര്‍.ഇബ്രാഹീം കുട്ടിയുടെ ഭാര്യ ഏര്‍‌ച്ചം വീട്ടില്‍ ഐഷ നിര്യാതയായി.വെങ്കിടങ്ങ്‌ ഇ.സി മെഡിക്കല്‍‌സ്‌ ഹം‌സയുടെ മാതാവാണ്‌ പരേത.ഇന്ന്‌ 10.03.2017 വെള്ളിയാഴ്‌ച പുലര്‍‌ച്ചയ്‌ക്കായിരുന്നു അന്ത്യം.ദീര്‍‌ഘകാലമായി വാര്‍ദ്ധക്യ സഹജമായ പ്രയാസത്താല്‍ രോഗ ശയ്യയിലായിരുന്നു.പരേതരായ ബാവുട്ടി ഹാജിയുടെയും സൈദാലി ഹാജിയുടെയും സഹോദരിയാണ്‌ ഐഷ ഇബ്രാഹീം കുട്ടി.ഖബറടക്കം 10.30 ന്‌ മുപ്പട്ടിത്തറ ഖബര്‍‌സ്ഥാനില്‍ നടക്കും.ഉദയം പഠനവേദി അനുശോചനം രേഖപ്പെടുത്തി.
Share:

Monday, February 6, 2017

ഫാത്തിമ മൊയ്‌തീന്‍ ബാവ നിര്യാതയായി

പാവറട്ടി:ഫാത്തിമ മൊയ്‌തീന്‍ ബാവ മടത്തി പറമ്പില്‍ നിര്യാതയായി.ഉദയം പ്രവര്‍‌ത്തക സമിതി അം‌ഗം എം.എന്‍ മുഹമ്മദ്‌ സാഹിബിന്റെ ഭാര്യാ മാതാവാണ്‌ നാട്ടിക മഹല്ലില്‍ പെട്ട പരേത.വാര്‍ദ്ധക്യ സഹജമായ പ്രയാസത്താല്‍ ചികിത്സയിലായിരുന്നു.
ഖബറടക്കം വൈകീട്ട്‌ നാട്ടിക ഖബര്‍സ്ഥാനില്‍ നടക്കുമെന്ന്‌ ബന്ധുക്കള്‍ അറിയിച്ചു.അബ്‌ദുല്‍ സലാം,ഹുസൈന്‍,അഷറഫ്‌,നാസര്‍,നൂര്‍ജഹാന്‍,സുബൈദ,റസിയ എന്നിവര്‍ മക്കളാണ്‌.എം.എന്‍ മുഹമ്മദ്‌ പുതുമനശ്ശേരി,പി.എം സുബൈര്‍ തിരുനെല്ലൂര്‍ ,ഷുകൂര്‍ അഴിക്കോട്‌ എന്നിവര്‍ മരുമക്കളാണ്‌.ഉദയം പഠന വേദി അനുശോചനം രേഖപ്പെടുത്തി.
Share:

Tuesday, January 31, 2017

രോഹിത്‌ വെമുല അനുസ്‌മരണം

ചാവക്കട്‌ മേഖലയില്‍ സം‌ഘടിപ്പിക്കപ്പെട്ട രോഹിത്‌ വെമുല അനുസ്‌മരണ പരിപാടിയില്‍ ഹമദ്‌ മഞ്ഞിയില്‍.ഇസ്‌ലാമിക പ്രസ്ഥാനത്തിന്റെ വിദ്യാര്‍‌ഥി വിഭാഗമായ സ്‌റ്റുഡന്റ്‌സ്‌ ഇസ്‌ലാമിക് ഓര്‍‌ഗനൈസേഷന്‍ ഓഫ് ഇന്ത്യയുടെ ചാവക്കട്‌ മേഖലാ ജനറല്‍ സെക്രട്ടറിയാണ്‌ ഹമദ്‌.വര്‍ണ്ണ വെറിയുടെ നീരാളിപ്പിടുത്തത്തില്‍ ജീവന്‍ വെടിയേണ്ടി വന്ന രോഹിതിലൂടെ പുതിയ രോഹിതുമാര്‍ ജന്മം കൊള്ളുകയാണെന്നു പ്രഭാഷകര്‍ പറഞ്ഞു.
Share:

Friday, January 27, 2017

പ്രാര്‍‌ഥനാ സദസ്സ്

ദോഹ:1980 കളിലെ ദോഹയിലെ പ്രവാസകാലത്തെ ഗ്രഹാതുരത്വം നിറഞ്ഞ നല്ല നാളുകളില്‍ നിറ പുഞ്ചിരിയുടെ നിറ സാന്നിധ്യമായിരുന്നു പരേതനായ ഉമറലി സാഹിബ്‌.എന്‍.കെ മുഹിയദ്ധീന്‍ പറഞ്ഞു.ഉദയം പഠനവേദി ഒരുക്കിയ അനുസ്‌മരണ സദസ്സില്‍ പ്രാരം‌ഭം കുറിക്കുകയായിരുന്നു ഉദയം സീനിയര്‍ അം‌ഗം മുഹിയദ്ധീന്‍.ദോഹയിലെ മലയാളി പാര്‍പ്പിട കേന്ദ്രങ്ങളില്‍ പ്രസിദ്ധമായിരുന്ന അബ്‌ദുല്ല ബിന്‍ ഥാനി.അവിടെ മെഡിക്കല്‍ ക്യാമ്പ് എന്ന അപരനാമത്തിലറിയപ്പെട്ടിരുന്ന കെട്ടിടത്തിലായിരുന്നു ചാവക്കാട്‌ തീര ദേശത്തുകാരില്‍ അധിവും.വാരാന്ത്യങ്ങളില്‍ ദൂര ദിക്കുകളിലുള്ളവര്‍ പോലും സുഹൃത്തുക്കളെ തേടിയെത്തും.വ്യാഴാഴ്‌ചകളിലെ രാത്രികള്‍ ഉറങ്ങാനുള്ളതല്ലെന്നായിരുന്നു അന്നത്തെ സങ്കല്‍‌പം.പ്രസ്‌തുത കെട്ടിടത്തിലെ മുകളിലെ നിലയില്‍ പരസ്‌പരം നിലയും നിലപാടുകളും മതവും രാഷ്‌ട്രീയവും നാട്ടു വര്‍‌ത്തമാനങ്ങളും കത്തിക്കയറുമായിരുന്നു.വെന്മേനാട്‌ വി.പി മുഹമ്മദ്‌ അതില്‍ പ്രധാന കഥാ പാത്രമായിരുന്നു.പഴയ കാലത്തെ ദോഹയിലെ പ്രവാസികളുടെ ഓര്‍മ്മച്ചെപ്പില്‍ അബ്‌ദുല്ല ബിന്‍ ഥാനി നിറഞ്ഞു നില്‍‌ക്കും.അക്കാലത്തെ ഓര്‍‌മ്മകളിലെ മായാ മുദ്രകളാണ്‌ ഉമറലിയും കഴിഞ്ഞ വര്‍‌ഷം നമ്മെ പിരിഞ്ഞു പോയ അബൂബക്കര്‍ സാഹിബും.

അബ്‌ദുല്ല ബിന്‍ ഥാനിയിലെ ഹൃദ്യമായ ബന്ധങ്ങള്‍ ഊട്ടിയുറപ്പിച്ചവരില്‍ അധികപേരും  90 കളില്‍ മുശേരിബിലേയ്‌ക്ക്‌ അഥവാ ഇപ്പോഴത്തെ ഉദയം ആസ്ഥാനത്തേയ്‌ക്ക്‌ മാറി.ഹം‌സ എ.വി, അബൂബക്കര്‍ എ.വി, റഫിഖ്‌ വി.എം, ഉമറലി എന്‍.പി ,അഷ്‌റഫ്‌ എന്‍.പി,കുഞ്ഞു മുഹമ്മദ്‌ കെ.എച്‌ ,ഷം‌സുദ്ധീന്‍ വി.പി ഇഖ്‌ബാല്‍ ബം‌ഗ്‌ളാവില്‍ തുടങ്ങിയവരും പരിസര പ്രദേശത്തെ സഹൃദയരും ഒക്കെയായിരുന്നു ഇതില്‍ പ്രമുഖര്‍. പുതിയ ഇടത്തിലേയ്‌ക്ക്‌ കൂടുമാറിയവരും പ്രദേശ വാസികളായ മുശേരിബിനു പുറത്തു താമസിച്ചിരുന്ന അബ്‌ദുല്‍ മജീദ്‌ ആര്‍.വിയെ പോലെയുള്ള വ്യക്തിത്വങ്ങളും .ഈ പുതിയ ചില്ലയിലിരുന്നാണ്‌ ഉദയം പഠന വേദിക്ക്‌ ബീജാ വാപം നല്‍‌കിയത്.സഹൃദയര്‍ ഉദയത്തെ മുളപ്പിക്കുകയും കായ്‌പ്പിക്കുകയും ചെയ്‌തു കൊണ്ടിരുന്നപ്പോള്‍ തന്റെ ഭാഗദേയത്വം ഉറപ്പാക്കാന്‍ ഉമറലി സാഹിബ് ശ്രമിച്ചിരുന്നു.ഉദയം പഠനവേദിയുടെ പ്രഥമ ജനറല്‍ സെക്രട്ടറി മുഹിയദ്ധീന്‍ എന്‍.കെ യും ഇപ്പോഴത്തെ അധ്യക്ഷന്‍ എം.എം അബ്‌ദുല്‍ ജലീലും ഓര്‍‌മ്മച്ചെപ്പ്‌ മെല്ലെ മെല്ലെ തുറന്നപ്പോള്‍ സാവകാശം ഓര്‍ത്തെടുക്കുകയായിരുന്നു ഈ കുറിപ്പുകാരന്‍.
കുഞ്ഞു മുഹമ്മദ്‌ കെ.എച്,ഷം‌സുദ്ധിന്‍ വി.പി,മുഹമ്മദ്‌ എം.എന്‍,അബ്‌ദുല്‍ ജലീല്‍ വി.വി,അബ്‌ദുല്‍ കലാം തുടങ്ങിയവരും ഓര്‍‌മ്മകള്‍ ഓര്‍ത്തെടുക്കുകയും പരേതനു വേണ്ടി പ്രാര്‍ഥിക്കുകയും ചെയ്‌തു.കഴിഞ്ഞ ദിവസം അല്ലാഹുവിലേയ്‌ക്ക്‌ യാത്രയയ ഉദയം സിനിയര്‍ അം‌ഗം ഹുസൈന്‍ കെ.കെ യുടെ ഇളയമ്മ മമ്പറമ്പത്ത് ഫാത്തിമ പഴയ കാല അബ്‌ദുല്ല ബിന്‍ ഥാനിക്കാരന്‍ അബ്‌ദുല്‍ ലത്വീഫിന്റെ പിതാവ്‌ മുഹമ്മദ്‌ മുസ്‌ല്യാര്‍ തുടങ്ങിയവര്‍‌ക്ക്‌ വേണ്ടിയും ഉദയം സദസ്സ്‌ പ്രാര്‍ഥിച്ചു.
Share:

Monday, January 23, 2017

ജനറല്‍ ബോഡിയും ഉമറലി അനുസ്‌മരണവും

ദോഹ:ഉദയം പഠനവേദിയുടെ ജനറല്‍ ബോഡിയും എന്‍.പി ഉമറലി അനുസ്‌മരണവും ജനുവരി 26 ന്‌ വ്യാഴാഴ്‌ച വൈകീട്ട്‌ 7.30 ന്‌ വി.പി ഷംസുദ്ധിന്റെ വസതിയില്‍ ചേരുന്നു.പ്രസിഡന്റ്‌ എം.എം അബ്‌ദുല്‍ ജലീല്‍ അധ്യക്ഷത വഹിക്കുന്ന യോഗത്തില്‍ സീനിയര്‍ അം‌ഗം എന്‍.കെ മുഹിയദ്ധീന്‍ അനുസ്‌മരണ പ്രഭാഷണം നടത്തും.ഉദയം പഠനവേദിയുടെ ആദ്യകാല പ്രവര്‍‌ത്തകരിലൊരാളായിരുന്ന ഉമറലി സാഹിബിന്റെ പ്രവാസി സുഹൃത്തുക്കളും ഓര്‍‌മ്മകള്‍ പങ്കു വെയ്‌ക്കും.ഈ പ്രത്യേക ജനറല്‍ ബോഡിയിലേയ്‌ക്ക്‌ എല്ലാ സഹൃദയരേയും സ്വാഗതം ചെയ്യുന്നതായി ജനറല്‍ സെക്രട്ടറി ജാസ്സിം അഭ്യര്‍ഥിച്ചു.

Share:

ഫാത്തിമ മമ്പറമ്പത്ത് നിര്യാതയായി

തൊയക്കാവ്‌ പരേതനായ ആര്‍.കുഞ്ഞി മൊയ്‌തുവിന്റെ ഭാര്യ ഫാത്തിമ മമ്പറമ്പത്ത് നിര്യാതയായി.കുറച്ച്‌ നാളായി വൃക്ക സം‌ബന്ധമായ പ്രയാസത്താല്‍ ആശുപത്രിയിലായിരുന്നു.ഉദയം പഠനവേദി പ്രവര്‍‌ത്തക സമിതി അം‌ഗം കെ.കെ.ഹുസൈന്‍ സാഹിബിന്റെ ഇളയമ്മയാണ്‌.മകനോടൊപ്പം ബഹറൈനില്‍ ചികിത്സയിലിരിക്കെയാണ്‌ അന്ത്യം.ഉദയം പഠനവേദി പരേതയുടെ വിയോഗത്തില്‍ അനുശോചനം അറിയിച്ചു.
Share:

Saturday, January 21, 2017

പുഞ്ചിരി വാടാത്ത മുഖം

ആരോടും പുഞ്ചിരിയോടെ മാത്രം സമീപിക്കുന്ന സഹൃദയൻ.പരിചയപ്പെട്ടവർക്ക് ആർക്കും മറക്കാൻ കഴിയാത്ത വ്യക്‌തിത്വം.അദ്ധേഹത്തിന്റെ പ്രവാസത്തിനു മുമ്പ് വെന്മേനാട് ഹൈസ്കൂളിൽ ക്ലർക്കായി  ജോലി ചെയ്യുന്ന കാലം ,സ്‌കൂളിലേക്ക് പോകുന്ന ഞങ്ങൾ മിക്ക ദിവസങ്ങളിലും വഴിയിൽ വെച്ച് ഒരുമിക്കാറുണ്ട്.സ്‌കൂൾ എത്തുന്നത് വരെ ചിരിച്ചു കൊണ്ടേ കുശലം പറഞ്ഞു നടക്കുമായിരുന്നു.മുടി നീട്ടി വളർത്തി,ഉയരം കുറഞ്ഞ,മാന്യമായി വസ്ത്രം ധരിച്ച സുമുഖനായ ചെറുപ്പക്കാരൻ.വര്‍‌ഷങ്ങളേറെ കഴിഞ്ഞു,വീണ്ടും ഒരുമിക്കാനും കൂടെ പ്രവർത്തിക്കാനും കഴിഞ്ഞെങ്കിലും ഉമറലിക്ക എന്ന് പറയുമ്പോൾ വർഷങ്ങൾക്കു മുമ്പുള്ള ആ സുന്ദര രൂപമാണ് മനസ്സിൽ തെളിയുക.അദ്ധേഹത്തിനും നമ്മിൽ നിന്നും യാത്ര പറഞ്ഞു പോയ്കൊണ്ടിരിക്കുന്ന എല്ലാ സഹോദരങ്ങൾക്കും അല്ലാഹു മഗ്‌ഫിറത്തും മര്ഹമത്തും നൽകി അനുഗ്രഹിക്കുമാറാകട്ടെ.അവരോടൊപ്പം നമ്മെയും ജന്നാത്തുൽ ഫിർദൗസിൽ ഒരുമിപ്പിക്കുമാറാകട്ടെ.ആമീൻ.

അബ്‌ദുല്‍ ഖാദര്‍ പുതിയ വീട്ടില്‍


അവസാനത്തെ ആലിംഗനം.
ഉമ്മറലിക്ക എന്റെ സഹപ്രവർത്തകനായിരുന്നു.ഒരേ ഹൽഖയിൽ.ഇസ്‌ലാമിക പ്രസ്ഥാനത്തിന്റെ
പ്രവർത്തന തലങ്ങളിൽ 'ഇന്നമൽ മുഅമിനൂന ഇഖ്‌വ' എന്ന വചനം അന്വർത്ഥമാക്കി കൊണ്ട്‌ ഞങ്ങൾ ഒരുമിച്ച്‌ പ്രവർത്തിച്ചു.ശാന്തത നിറഞ്ഞ പുഞ്ചിരിയും സൗമനസ്യം തുളുമ്പുന്ന സംസാരവും അദ്ധേഹത്തിന്റെ മുഖ മുദ്രയായിരുന്നു.ഞാൻ അവധിയ്‌ക്ക്‌ നാട്ടിൽ പോയപ്പോൾ അവസാന ഹൽഖയിൽ പങ്കെടുത്ത്‌ ഉമ്മറലിക്കയെ കെട്ടിപ്പിടിച്ച്‌  യാത്ര പറഞ്ഞു പിരിഞ്ഞപ്പോൾ ഞാനറിഞ്ഞില്ല ആ ആലിംഗനം അവസാനത്തേതാകുമെന്ന്.അല്ലാഹു അദ്ധേഹത്തിന്ന് മഗ്ഫിറത്തും മർഹമത്തും നൽകി അനുഗ്രഹിക്കട്ടെ, സ്വർഗ്ഗത്തിൽ ഒരുമിച്ചുകൂടാൻ ഞങ്ങൾക്ക്‌ ഭാഗ്യമുണ്ടാക്കിതരട്ടെ.ആമീൻ ...

റഷീദ്‌ പാവറട്ടി
Share:

ഉമറലി പുളിക്കല്‍ നിര്യാതനായി

തിളങ്ങുന്ന പഴങ്കഥകളില്‍ ഒളിഞ്ഞിരിക്കുന്ന നര്‍‌മ്മ വര്‍ത്തമാനങ്ങളിലെ പ്രസന്ന വദനന്‍ ഇനി ഓര്‍‌മ്മ മാത്രം.പൈങ്കണ്ണിയൂരിലെ  ഉമറലി പുളിക്കല്‍, സഹൃദയരുടെയൊക്കെ ഉമറലിക്ക അല്ലാഹുവിലേയ്‌ക്ക്‌ യാത്രയായി.

ഉദയം പഠനവേദിയുടെ പഴയ കാല ഏടുകളിലെ എ.വി ഹം‌സ,എന്‍.കെ മുഹിയദ്ധീന്‍,ആര്‍.വി അബ്‌ദുല്‍ മജീദ്,എം.എന്‍ മുഹമ്മദ്,എന്‍.പി്‌ അഷറഫ്,വി.വി്‌ അബ്‌ദുല്‍ ജലീല്‍,എം.എ അക്‌ബര്‍,കെ.കെ ഹുസൈന്‍,പി.എ നൗഷാദ്,കെ.എച്‌ കുഞ്ഞു മുഹമ്മദ്‌,എം.എം അബ്‌ദുല്‍ ജലീല്‍, തുടങ്ങിയ സഹ പ്രവര്‍‌ത്തകര്‍ക്കിടയിലെ സരസന്‍ ഓര്‍‌മ്മയായി.
ഉദയം പഠനവേദിയുടെ ശിഖിരത്തില്‍ പ്രവാസ കാലത്ത്‌ കൂടു കൂട്ടിയവര്‍ നിരവധിയത്രെ.പിന്നീട്‌ മറ്റു ചില ശാഖകളിലേയ്‌ക്കും ചില്ലകളിലേയ്‌ക്കും കൂടുമാറിയവരും.പുതിയ ചില്ലകളില്‍ കൂടൊരുക്കി കൊത്തിക്കൊറിച്ചും ചിറകടിച്ചും കലപില കൂട്ടിയും തങ്ങളുടെ സങ്കല്‍‌പങ്ങളുടെ മാനത്ത് പറന്നു തുടങ്ങുമ്പോള്‍ പക്ഷം തളര്‍‌ന്നു വീഴുകയാണ്‌ പലരും.സഹൃദയനായ അബൂബക്കര്‍ക്കയുടെ പിന്നാലെ ഇതാ വാടാത്ത പുഞ്ചിരിയുടെ ആള്‍‌ രൂപം ഉമറലിക്കയും പറന്നകന്നിരിക്കുന്നു.

തൃശൂര്‍ ജില്ലാ സമ്മേളനത്തിന്റെ ഒരുക്കങ്ങളെ കുറിച്ചും മറ്റും ഉദയം ഗ്രൂപ്പില്‍ കൊടുത്ത വാര്‍‌ത്ത ജനുവരി 21 ന്‌  കാലത്ത്‌  ഉമ്മറലിക്കാടെ ഫോണില്‍ വായിക്കപ്പെട്ടിട്ടുണ്ട്‌.പ്രസ്ഥാനത്തിന്റെ സമ്മേളന നഗരിയിലേയ്‌ക്ക്‌ കണ്ണും കാതും കൂര്‍‌പ്പിച്ചിരിക്കേ മഹാ സമ്മേളനത്തിലേയ്‌ക്ക് അദ്ധേഹം യാത്രയായിരിക്കുന്നു.ഓര്‍‌ത്തിരിക്കാത്തപ്പോള്‍ ഓടിയെത്തുന്ന മരണത്തിനു മായ്‌ക്കാന്‍ കഴിയാത്ത ഓര്‍‌മ്മകളുമായി ഉമ്മറലിക്ക വിട പറഞ്ഞിരിക്കുന്നു.

ശ്വാസകോശ സം‌ബന്ധമായ പ്രയാസങ്ങള്‍ ദീര്‍‌ഘകാലമായി അദ്ധേഹത്തെ അലട്ടിയിരുന്നു.പ്രയാസങ്ങള്‍ ഏറിയും കുറഞ്ഞും എങ്കിലും പറയത്തക്ക ശാരീരികാസ്വസ്ഥതകളില്‍ നിന്നും മുക്തനായി കഴിയുകയായിരുന്നു.ദേഹാസ്വസ്ഥത്തെ തുടര്‍ന്ന്‌ ജനുവരി 21 കാലത്ത്‌ തൃശൂര്‍ അമലയിലേക്ക്‌ കൊണ്ടു പോകുമ്പോള്‍ വഴി മധ്യേ ആയിരുന്നു അന്ത്യം സം‌ഭവിച്ചത്‌ എന്നാണ്‌ ബന്ധപ്പെട്ടവര്‍ പറഞ്ഞത്‌.

ആരോടും പുഞ്ചിരിയോടെ മാത്രം സമീപിക്കുന്ന സഹൃദയൻ.പരിചയപ്പെട്ടവർക്ക് ആർക്കും മറക്കാൻ കഴിയാത്ത വ്യക്‌തിത്വം.ഇങ്ങനെ വാടാത്ത പുഞ്ചിരിയുടെ ഉടമയായിരുന്നെന്നു എല്ലാവരും തങ്ങളുടെ സന്ദേശങ്ങളില്‍ ഓര്‍‌മ്മിക്കുന്നു.അവധി കഴിഞ്ഞു യാത്ര പറഞ്ഞു പോരുമ്പോള്‍ അവസാനത്തെ യാത്ര പറിച്ചിലാണെന്നു ആരും നിനച്ചില്ല.

സുഹൃത്തുക്കളും പ്രവര്‍‌ത്തകരും സങ്കടത്തോടെയാണ്‌ സഹൃദയന്റെ വിയോഗ വാര്‍‌ത്ത വായിച്ചതും കേട്ടതും.പഴയ ഉദയം അന്തേവാസികളായിരുന്ന മൊയ്‌തീന്‍ മാഷ്‌ ചെര്‍‌പളശ്ശേരി അബ്‌ദുല്‍ കരീം പേരാമ്പ്ര,അഷറഫ്‌ എന്‍.പി,കുഞ്ഞു മുഹമ്മദ്‌ പാടൂര്‍, ഇഖ്‌ബാല്‍ ചേറ്റുവ,സലീം ഹൈകി തുടങ്ങിയവര്‍ തങ്ങളുടെ ദുഖം പങ്കു വെച്ചു.ഒരുമിച്ച്‌ സേവന സം‌രം‌ഭങ്ങളില്‍ പ്രവര്‍‌ത്തിച്ച അക്‌ബര്‍ എം.എ, അബ്‌ദുല്‍ ഖാദര്‍ പുതിയ വീട്ടില്‍,റഷിദ്‌ പാവറട്ടി എന്നിവര്‍ തങ്ങളുടെ തൂലികകളിലൂടെ വാചാലരായി.

രണ്ട്‌ വ്യാഴവട്ടത്തിലധികമായി പ്രവാസം മതിയാക്കി നാട്ടിലെത്തിയിട്ട്‌.ചെറിയ രീതിയില്‍ ഒരു കച്ചവടമൊക്കെയായി കഴിയുകയായിരുന്നു.പ്രവാസ കാലത്ത്‌ ഉദയം പഠന വേദി ആസ്ഥാനത്തായിരുന്നു താമസിച്ചിരുന്നത്‌.ഉദയം പഠന വേദിയുടെ രൂപീകരണം മുതല്‍ അതിന്റെ സഹകാരിയും സഹചാരിയുമായിരുന്നു.നാട്ടില്‍ ഇസ്‌ലാമിക പ്രസ്ഥാനത്തിന്റെ പാവറട്ടി ഹല്‍‌ഖയിലും അനുബന്ധ സാമുഹിക സേവന സം‌വിധാനങ്ങളിലും ആവും വിധം സജീവമായി പ്രവര്‍‌ത്തന രം‌ഗത്തുണ്ടായിരുന്നു.പാവറട്ടി കേന്ദ്രമായി പ്രവര്‍‌ത്തിക്കുന്ന ഖുബ ട്രസ്റ്റിന്റെ അം‌ഗമായിരുന്നു.നൂര്‍‌ജഹാനാണ്‌ ഭാര്യ.മക്കള്‍:-ലിനി, ലിജി, ഫജർ, ഫർഹ മരുമക്കള്‍:-ഷൗക്കത്, ബിലാൽ.
പരേതന്‌ അല്ലാഹു പരലോക സൗഖ്യം നല്‍‌കി അനുഗ്രഹിക്കുമാറാകട്ടെ.
Share:

Manjiyil

Manjiyil
Manjiyil

Popular Posts

Blog Archive

Join Whatsapp

Name

Email *

Message *

Labels

Copyright © Udhayam | Powered by Blogger Design by PWT | Blogger Theme by NewBloggerThemes.com